قامت المخرجة كاملة ابو ذكري بشن هجمات حادة على الفنان المصري يوسف الشريف وذلك بعد تصريحاته التي قال فيها بأنه يضع بنودا فى أعماله الفنية لرفض المشاهد الساخنة، قائلة أن هذا يسمى نوعا من أنواع الدعايا المبتذلة واستغلال أطهر شيء فى الوجود لأغراض النجومية وزيادة عدد المشاهدات.
لذا قامت كاملة ابو ذكري بالرد على يوسف الشريف من خلال منشور لها على صفحتها الشخصية بالفيس بوك وقال من خلالها: “لما يبقى فى مشهد لحبيب بيحاول ينقذ حبيبته والمخرج يقوله حتمسكها وتشدها عشان تبعدها عى طلقة الرصاص، يقوم النجم الفاضل يرفض إنه يمسكها عشان هو ما بيلمسش الستات، هى دى بقى المشاهد الساخنة اللى حضرتك بتتكلم عنها؟.. ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟”.
ووصفت أبو ذكري ان ما قاله يوسف الشريف نوع من الدعاية للنفس حيث قالت: “بالنسبة ليه ده اسمه نوع من أنواع الدعاية المبتذلة واستغلال أطهر شيء فى الوجود لأغراض النجومية وزيادة عدد المشاهدات، عايز ترضى ربنا فى شغلك اختار مواضيع تنور عقل المشاهد أو تشرح قلبه، تبقى عايز ترضى ضميرك وتقول فى شغلك كلمة حق يمكن تبقى سبب إن ناسك يعيشوا أحسن، والمجاهرة بالصلاة واستغلالها ده محرم فى دينك”.
جدير بالذكر أن يوسف الشريف قد صرح خلال لقاءه مع رامي ضوان قائلاً: “فى قيود أنا بحطها لنفسى زيادة عن أى حد تانى، ودى حقيقة حتى لو وصلت لدرجة العقود.. دى حقيقة بقالها 10 سنين أو أكتر، ده من بعد فيلم هى فوضى، بدأت أفكر بالطريقة دي.. دى حرية شخصية طالما مبضرش حد.. أنا مبستريحش لو بقى فيه مشاهد ساخنة أو فيها قبلات.. دى قاعدة بطبقها على نفسى بس.. بدأت أحط قيود لأن قبل كده فى منتجين اتفقت معاهم على ده ووقت التنفيذ غيروا كلامهم”.
وتابع الشريف: “وهنا أنا لا أزايد على زملائى أو إنى أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إنى بزايد عليهم أو بقول إنى أحسن منهم.. خالص”.
