طالب الفنان القدير هاني شاكر نقيب الموسيقيين بفرض رقابة على الانترنت والحفاظ على حقوق الملكية، مؤكدا أن قراره بمنع مطربي المهرجانات نهائي ولا رجعة فيه.
جاء هذا الطلب خلال مداخلة تليفونية مع الإعلامي أحمد موسى في برنامجه على مسؤوليتي على قناة صدى البلد مساء الأحد الماضي.
وقال رئيس نقابة الموسيقيين أنا كان عندي من الأول استعداد إني أعمل ضوابط وروابط لو فيه ناس ملتزمة، وواضح إن مش هيبقى فيه التزام، هو نجاحهم على النوعية دي من الأغاني، مضيفا هو لو غنى بشكل كويس هينجح ليه ؟ مش هينجح، لما بيغني على الفودكا والمخدرات والحشيش والخمرة والكلام ده كله هو ده اللي بيلفت نظر الناس، هو عايز يبقى مختلف.
وتابع نقيب الموسيقيين جميع مطربي المهرجانات اتقفل عليهم خالص بالنسبة للنقابة، لو حد عمل فيديو كليب ده مش دور النقابة، وكذلك الكلمات اللي بيتغنوا بها ده دور المصنفات الفنية، مش هعطي تصاريح تاني لاقامة مهرجانات بشكل قاطع.
وعاد مؤكدا أن أغاني المهرجانات هذه إنتشرت بشكل كبير علشان مفيش مقابل، وهذا نجاح نظري، أنا ممكن أزود عدد المشاهدين عندي كتير وفيه ناس تقدر تعمل ده واشتري، بس ده مش مؤشر للنجاح بجانب إن غياب الحفلات ودور الدولة في الإنتاج الفني الغنائي والسينمائي، والمسرحي كل ده مؤثر كتير.
وأضاف نقيب الموسيقيين إحنا بقالنا 10 سنين سايبين الدنيا سداح مداح كده، ولا يوجد رقابة على الانترنت، لازم يكون فيه رقابة حاسمة على الانترنت واليوتيوب والفيسبوك ولازم يبقى فيه رقابة على حقوق الملكية، وما ينفعش مطرب يصرف ملايين على أغنية ويلاقيها اتسرقت في يوم وليلة، مؤكدا على أهمية عدم ترك الساحة لأغاني المهرجانات، قائلا: “ما ينفعش نسيب الساحة لهم كده، فهم بيظهروا علشان مفيش حد قصادهم.
