بناءات مخالفة وشوارع ضيقة لا تستوعب السيارات.. ملاحظات السيسي خلال جولته في شوارع القاهرة

بناءات مخالفة وشوارع ضيقة لا تستوعب السيارات.. ملاحظات السيسي خلال جولته في شوارع القاهرة

قال الرئيس عبد الفتاح السيسي خلال جولته أمس في شوارع القاهرة”لما يتقرر إننا نقوم بإضافة 100 ألف وحدة سكنية للمناطق ذات الطبيعة الخطرة.. بكام؟ لو الشقة 200 ألف جنيه يبقى 20 مليار.. طب لو بأرضها ومرافقها توصل ل 40 مليار جنيه.. ده زيادة عن التخطيط اللي كنا عاملينه.. ده كله بنفتح مجالات للعمل، وبنقدم لمحدودي الدخل فرصة الاستفادة من قدرة الدولة للتخفيف عنه، مضيفا إثناء تفقده لعناصر وأطقم القوات المسلحة للاطمئنان على الحالة الأمنية، وأنا بقوم بجولة خفيفة في أوقات مش متوقعة، فوجئت إن فيه ناس بتبنى بشكل مخالف، فمثال واضح على ذلك، كان يوجد مكان اسمه مصرف الطارق كان عبارة عن منطقة بها الكثير من المخلفات وناس عايشة بشكل لا يليق أبدا، قمنا بعمل لهم إسكان وأخلينا الناس وسكناهم فيها وعملنا محور طوله تسعة كيلو موازي لجسر السويس، أفاجأ إني وجدت الناس بتبني، فين الرخص، وفين التخطيط للكلام ده؟ لا ده كلام خطير.. أوعى حد يتصور إن الدولة وهي مشغولة في المواجهة دي مش هتبقى واخدة بالها من الكلام ده؟.

واستكمل السيسي “أنا بمشي في أماكن كثيرة جدا بلاقي شوارع لا تستوعب سيارات الناس، وحديثي لمحافظ القاهرة، يعني إحنا حد يتصور حجم العمل الذي تم عمله في شرق القاهرة، قمنا بشيل كل خطوط المترو في مصر الجديدة وعملناها شوارع، أفاجأ إنها بقت عبارة عن جراجات، ولقيت نقاش بيقول أركن سيارتي فين؟ هي الشوارع دى اتعملت علشان المواطنين يمشوا فيها ولا علشان يتركن فيها سيارات.

يشار أن الرئيس السيسي كان قد قام بجولة تفقدية ميدانيا صباح أمس الثلاثاء للعناصر والمعدات والأطقم التابعة للقوات المسلحة المخصصة لمعاونة القطاع المدني بالدولة.

اترك تعليقاً